Simpatie, bomplanters, mugabe en n van der merwegrap!

Vergun my 'n oomblik vanoggend om my diepste meegevoel en innige simpatie te betuig aan die familie en vriende van Bill Flynn wat gister aan 'n hartaanval oorlede is.
Dis 'n ou cliche om te se hy was 'n nice ou en die bedryf is soveel armer sonder hom, maar ek het die voorreg gehad om twee keer saam met hom te werk by Caesars Gauteng en wanneer mense se hy was die niceste ou in die bedryf in Suid-Afrika, dan oordryf hulle nie....
Dit was werklik net 'n plesier om saam hom te werk en hy was een van daai mense wat net van nature snaaks was sonder om hard te probeer om snaaks te wees.
Die Suid-Afrikaanse vermaakbedryf is armer sonder hom..........en Suid-Afrika is vandag bietjie minder snaaks....

Met die aanstelling van Robert McBride destyds as hoof van die Ekurhuleni Metro Polisie is daar gesinspeel daarop dat hy bande met die onderwereld het en by 'n beweerde wapensmokkeltransaksie betrokke was, dit natuurlik behalwe vir die feit dat hy 'n bomplanter was en tronkstraf uitgedien het.

Gister is 'n interdik teen hom toegestaan wat hom verhinder om die beamptes te dreig en intimideer wat getuienis teen hom gaan lewer oor sy beweerde dronkbestuur saak.
Dit is die bekende feite in die saak, ek twyfel nie vir 'n oomblik dat daar nog baie ,meer is wat sal uitkom nie, maar ons sal geduldig moet wag daarvoor.
Net een vraag, wie in Ekurhuleni was verantwoordelik vir die aanstelling van McBride in die eerste plek en wat was McBride se kwalifikasies om in die pos aangestel te word en meer belangrik watse stappe gaan geneem word teen wie ever hom aangestel het, sou McBride in 'n hof skuldig bevind word....die aanklag teen die persoon of persone wat hom aangestel het....mors van die belastingbetaler (jou en my) geld en tyd!
Ek het nou die aand gesien hoe die gesoute joernalis Debbra Patta McBride op 3rd Degree laat kleitrap en die indruk van McBride wat ek gekry het was die van 'n man so skuldig soos more die heeldag.....die sepie duur voort.
Mugabewe, oftewel Zimbabwe is nou so naby aan 'n totale ineenstorting dit is ongelooflik, supermarkte is dolleeg en basiese voedsel is volgens gerugte onbekombaar...


Totale ineenstorting is Zim se voorland en dit is nader as wat die meeste mense dink, slagpale is verbied om verder te slag en ondernemings word gedwing om alles teen die helfte van die prys te verkoop, mense staan 'n lang toue om selfs skoene te koop, en steeds is die stilswye oordonderend uit Pretoria...
Die Westelike Provinsie, wat eens die trots van die land was, is in ‘n jammerlike toestand. In die jongste verwikkeling is die afrigter, Kobus van der Merwe, en sy adjunk, Jerome Paarwater, in die pad gesteek.

Die WP Rugby-Unie het gisteraand hul ontslag bevestig. Gary Gold en Nazeem Adams sal vir die res van die Curriebeker-seisoen die span afrig. Dankie tog vir daai stukkie goeie nuus om mee af te sluit vanoggend, as 'n ondersteuner van WP rugby is ek bly om te se dis nie ' 'van der Merwe' grappie nie!
Later
Wimpie