Besluite, transformasie debatte en name!

Elke dan en wan dan kom ons almal maar voor belangrike besluite in jou lewe te staan en elke nou en dan help ander mense jou om daardie besluite makliker te neem as wat anders die geval sal wees....
Glo jy ook daaraan dat sekere goed in jou lewe gebeur om jou in 'n sekere rigting in te druk wat moontlik die paadjie is wat jou lewe moet volg, soos wat vir jou bepaal is vooruit?
Ek weet nie of ek glo aan die storie van jou lewe is vooruit vir jou bepaal nie want ek dink die dan sou mens iets soos 'n vrye wil gehad het nie.
Elke dan en wan gebeur iets wat my egter laat dink my manier van dink is verkeerd.
Laat ek verduidelik, laas maand kry ek 'n oproep wat my hele loopbaan kan verander en of heeltemaal my loopbaan in 'n ander liga kan plaas, tipies mens is ek oorversigtig en weet nie lekker wat om te doen nie, laat ek eerlik wees en weet nou nog nie wat om te doen nie, hoekom vertel ek julle ek weet nie ek dink ek wil net iemand vertel en ek weet nie wie om mee te praat nie, maak dit sin? Ek weet nie maar ek voel beter anyway.
Gaan google op die internet, what's in a name dan kyk jy wat beteken Tshwane, as jy my nie glo nie dit beteken letterlik, klein aap....wat natuurlik, goeie nuus is vir die voorstanders van Pretoria se naamsverandering, die Apiesrivier kan net heel eenvoudig varander na die Tshwanerivier...
Kaartjies vir 2010 se Wêreldbeker-sokkertoernooi gaan stede se ou én nuwe name op hê. Die organiseerders sê dit sal die land se ontwikkeling weerspieël sonder om besoekers te verwar. Die voorsitter van die organiseringskomitee, Irvin Khoza, het op ‘n nuuskonferensie gesê Fifa beskou die besluit as ‘n redelike oplossing wanneer die hervorming in die land in ag geneem word.
Padtekens sal ook internasionaal-bekende name bevat om dit makliker te maak vir besoekers omdat baie kaarte en gidsboeke nog die ou name bevat.
Hoe ver moet ons nog gaan om simpel naamsveranderinge tegemoed te kom, ek kan sien my GPS is binne die volgende 6 maande heeltemal outdated met die nuwe plekname wat oral uitgedink word...
Die groot debat rondom transformasie in Suid-Afrikaanse sport het toe gister plaasgevind op my show en ek dink ek is heel tevrede met hoe die debat verloop het.
Johann Kruger van Gauteng Oos het moedig probeer om sekere goed te verduidelik, jammer Johann jy het nog steeds nie aan my verduidelik hoe julle huidige stelsel regverdig is wanneer 'n wit swemmer by die huis moet sit al breek hy die wereldrekord vir die 100m vryslag, net omdat daar net soveel wit swemmers in die span mag wees nie!
Dit daar gelaat ek was bietjie teleurgesteld om te sien dat Johann ook die ou kaart gespeel het wat al die voorstanders van die huidige regering speel wanneer jy van hulle verskil....as jy van ons verskil is jy 'n rassis....nee Johann ek was teleurgestel met daai poging, dis die wonderlike ding van demokrasie jy MAG van die regering en hulle beleid verskil, daar is baie goed waarmee ek saam met die regering stem, maak dit my dan 'n kommunis....ek dink nie so nie!
Hier is nog een wat Johann nie kon antwoord nie:
Die Olimpiese Handves (4 Julie 2003) van die
Internasionale Olimpiese Komitee (IOK) stip duidelik in Artikel 2(10) aan dat
die IOK gekant is teen "enige politiese . misbruik van sport en atlete". Dié
handves bepaal ook in Artikel 3(2) dat "enige vorm van diskriminasie . op grond
van ras, . onversoenbaar met lidmaatskap van die Olimpiese Beweging is".
Nou ja ek kan seker nog aangaan vandag maar ek dink daar is genoeg gese vir een dag, more is vrouedag en dit gaan NIE daaroor dat vrouens bederf moet word soos op moedersdag nie, dit gaan oor 'n klomp vrouens wat een keer betoog het en gemars het teen die wetgewing van pasboeke, wed jou min van julle het dit geweet, jammer girls daar bars ek julle bubble vir die dag!
Ek is vanaand by Firkins in Boksburg, om Theuns Jordaan te gaan sien en dan het ek more 'n welverdiende ruskansie, danksy voice tracking sal jy nog mou ou stemmetjie op die wireless kan hoor!
Later
Wimpie
Ps: Etenstyd in Zimbabwe lyk blykbaar so iets!