Zimblab(s)we!

Sorry julle, bietjie laat vanoggend, probleme met Helkom en die Internet.
Dit laat my weer wonder hoe is dit dat ons die duurste internet in die wereld het met die swakste verbindings nou weer?

Lees vanoggend weer 'n storie oor Zimbabwe en die Mugabe gemors en dit laat my weer besef hoekom Afrika derde werelds is en hoekom ons moet bekommerd wees, sommer baie!
Terwyl pres. Robert Mugabe van Zimbabwe gister tydens die opening van die SAOG-beraad vir staatshoofde in Lusaka ’n helde-ontvangs geniet het, is sy landgenote wat glo by die beraad wou betoog, gekeer.
Zambiese owerhede het Dinsdag ’n groep van 65 Zimbabwiërs by die grenspos in Chirundu voorgekeer en huis toe gestuur.
Terwyl die Zim afvaardiging by monde van die minister van Finansies - huh! - gespog het oor hoe die Zimbabwese ekenomie op sy eie voete staan en nie Westerse hulp nodig het nie, lei die SA A krieketspan honger!

Die krieketspelers van Suid-Afrika se A-span het in Bulawayo, Zimbabwe se tweede grootste stad, eerstehands ervaar hoe benard die situasie in hul buurland is ná die regering se gedwonge prysverminderings.
Volgens ingeligte bronne het die Suid-Afrikaanse span ná ’n besoek aan die Matopos- Nasionale Park teruggekeer om te vind dat re­staurante naby hul hotel glad nie kos het nie.
Die spelers is toe na ’n paar plekke wat wegneem-etes verkoop, net om uit te vind dié ondernemings het ook geen voorraad nie.
Die enigste plek wat nog kos gehad het, was ’n pizzawinkel, waar ’n lang tou die spelers begroet het.

Ja nee praat van ironie!

Was gister gou vir 'n vinnige heen en weertjie Kaap toe, lekker gewees net koud!
Sterkte aan die Valke vanaand teen die Bulle ...hehehe!
Later
Wimpie