Volstruissindrome!

Ek kan nie 'n geheim hou nie, julle weet dit al teen hierdie tyd, al rede hoekom ek hierdie een hou is omdat dit onderhandelinge kan knou wat nou in 'n uiters sensitiewe stadium is oor 'n aankondiging wat jy heel eerste hier by hierdie blog kan verwag. Net 'n lusmakertjie dis iets wat nog nooit vantevore in Suid-Afrika gesien is nie en dis iets wat nooit hierna ooit weer gesien sal word nie, JY gaan daar wil wees want dis geskiedenis wat gemaak gaan word en dit is iets wat die bedryf vir ewig en altyd sal verander, en ek is trots om deel te wees daarvan, dis al wat julle die volgende paar maande gaan sien en van hoor! Nou dat jy so nuuskierig is dat jy jou lag nie kan hou nie, gaan ek stilbly en jou vra om nog net bietjie geduldig te wees want glo my so graag soos julle wil weet, so brand ek om jou te vertel!

As jy nog twyfel gehad het of ons 'n werklike Demokrasie het in Suid-Afrika waar die regering en regeringsamptenare in die land verantwoordelik is om aan die publiek te rapporteer en vrae aan ons te beatwoord, wees gerus, dis nie die gevoel in Suid-Afrika nie!

Baleka Mbete, speaker van die Nasionale Vergadering (NV), het mnr. Mike Waters, die DA se woordvoerder oor gesondheid, gistermiddag uit die parlement gejaag toe hy wou uitvind waarom sy ’n vraag aan Tshabalala-Msimang, minister van gesondheid, onttrek het.
Wat was die vraag wat so 'n drastiese stap regverdig?
Dié vraag lui: “Is minister Manto Tshabalala-Msimang in 1976 aan diefstal skuldig bevind terwyl sy in diens van ’n hospitaal in Botswana was en is dié inligting aan pres. Thabo Mbeki oorgedra toe sy in haar portefeulje aangestel is?”
Volgens die speaker se oordeel oortree Waters parlementêre reël 63 deur die gebruik van “beledigende en onbehoorlike taal” in sy vraag.
Toe Waters by Mbete wou weet watter deel van sy vraag buite orde is, het Mbete gesê: “Dit het betrekking op die minister se integriteit. Aantygings van dié aard kan deur ’n behoorlik gemotiveerde substantiewe mosie gebring word.”
Waters is deur ANC-LP’s, insluitend me. Geraldine Fraser-Moleketi, minister van staatsdiens en administrasie, en me. Lindiwe Hendricks, minister van waterwese en bosbou, stilgeskreeu toe hy verder wou weet presies watter woorde in sy vraag onaanvaarbaar is.
Kan jy jou voorstel dat so iets in Amerika of enige ander regdenkende land in die wereld sal gebeur? Dink hulle deur nie vrae te beantwoord oor die kwessie nie gaan dit net weggaan, 'n klassieke geval van die volstruis sindroom, steek jou kop in die sand en dan sal alles om jou verdwyn en weggaan.
DIT WERK NIE SO NIE MNR. DIE PRESIDENT EN SAL IEMAND ASB. DIE WOORDVOERDER VAN MANTO'S PUB EN GRILL VRA OM TE ANTWOORD OP DIE AANTYGINGS TEEN HAAR!!!!

Ek plaas hierdie e-pos met 'n foto wat ek gister ontvang het, kyk of jy dalk kan help: CASSANDRA UYS
17 JAAR
CASSANDRA HET WEG GERAAK BY STER KINEKOR, KEY WEST, KRUGERSDORP OP SATERDAG, 25 AUGUSTUS 2007.
ONS VRA ASB U HULP MET HAAR OPSPOORING EN GEBEDE DAT SY VEILIG SAL HUIS TOE KOM.
KONTAK ASB HAAR MA MET ENIGE INLIGTING
HENTY 0766685093

Matrikulante wat hul eksamens by die Gauten Oxford Gesamentlike Skool in Kempton Park skryf, is aangeval deur ‘n groep gewapende mans wat die gebou binnegestorm het. Die 54 leerders en vier personeellede is beveel om op die vloer van die saal waar hulle eksamen geskryf het, te lê. Die rowers het weggekom met sowat sewe duisend rand en twee selfone. Beeld berig dat die prinsipaal, Pierre de Lange, en sy sekretaresse, Elizabeth Sithole, aangerand is maar dat geeneen van die leerders beseer is nie. Die leerders het na die aanval berading ontvang. Volgens De Lange het die rowers toegang tot die perseel gekry nadat hulle die veiligheidswag by die hek oorrompel het.
Huh? Kan dit waar wees, kan dit rerig gebeur in enige beskaafde land... En daar le die sleutel....BESKAAFDE LAND, ja bra!

Slegte nuus is dat die opera ster Luciano Pavarotti vanoggend dood is by sy huis , hy het kanker van die pankreas gehad, ek is jammer om dit te hoor!

En op daai slegte noot groet ek!

Later
Wimpie