Ek maak klaar...amper!

Ek oorweeg dit om op te hou blog.
Daar is verskeie redes daarvoor maar ek dink die hoofrede is dat ek voel ek stort elke dag my hart uit op hierdie blog, amper soos op my Breakfast Show, en dit voel net vir my of niemand dit lees of of dit geen verskil maak in niemand se lewe nie, en ek is iemand wat graag 'n verskil wil maak en as ek voel ek doen nie, dan sal ek eerder iets ander aanpak... Ek sal eersdaags 'n besluit neem oor die voortbestaan van die blog al dan n ie.

Die Britte is nou besig met die ondersoek na die dood van Diana die voormalige prinses van Wallis en dit na geweldige druk van Mohamed Al-Fayed die eienaar van Harrod's in London en die pa van Dodi...
Nou baie keer is die uitslag van sulke dinge nie altyd soos jy dit wil he nie, ek dink persoonlik dat Dodi wat volgens berigte maar bietjie van 'n swierbol was, gesukkel het om op 'n waardige wyse al die media belangstelling en druk wat met Diana saamgegaan het te hanteer.
Dit is dus heel moontlik dat hierdie ondersoek kan aandaui dat die Al-Fayed span vir die ongeluk verantwoordelik kan wees met swak logistieke beplanning en die doodeenvoudige onkunde om die situasie te hanteer, dit sal jammer wees maar as jy vir jare aandring op so 'n ondersoek moet jy weet die kans is daar dat dit die uieinde van die saak gaan wees. Hierdie foto is gister deur die Britse persagentskap uitgereik as een van die heel laaste Foto's wat geneem is voor die ongeluk en toon Diana wat deur die venster kyk na die fotograwe wat hulle agtervolg, die bestuurder van die motot Henri Paul wat volgens berigste onder die invloed en op deprissante was, is regs en lyk vir my maar heel wakker, die lyfwag Trevor Rees-Jones is links.

Die ANC het die organisasie se ongelukkigheid uitgespreek oor die plakkate van Tokyo Sexwale wat onlangs in die Oos-Kaap opgemerk is. Die party distansieer homself van sodanige praktyke en maak ‘n beroep op al sy lede om leiers volgens vasgestelde maatreëls en tradisies binne die organisasie te verkies. Die ANC verwelkom ‘n verklaring deur Sexwale se woordvoerder dat Sexwale self geen kennis van die plakkate gedra het nie.
Dit lyk my iemand binne die ANC begin effe senuagtig te raak....
Intussen meen die ANC Jeugliga in Gauteng dat President Thabo Mbeki nie vir ‘n derde termyn as partyleier herkies moet word nie. Die Sekretaris-Generaal Lebogang Maile sê die persoon wat as ANC-president gekies word, moet ook die president van die land wees. Die tak het Jacob Zuma as kandidaat vir party-president voorgestel, Kgalema Motlanthe as vise-president en Nkosazana Dlamini-Zuma as nasionale voorsitter. Maile sê Tokyo Sexwale se naam is nooit eers genoem nie.
Dit maak my bang as toekomstige leiers van die land self nie kan besluite neem sonder om bestaande situasies in ag te neem nie, soos byvoorbeeld 'n korrupsie hofsaak wat nog afgehandel moet word teen hulle voorgestelde kanidaat Jacob Zuma...

Intussen spreek die vakbond Solidariteit hul kommer uit oor die voortdurende styging in die prys van diesel en die uitwerking daarvan op die ekonomie. Volgens Solidariteit se ekonoom Ulrich Joubert, sal hierdie week se 23 sent-per-liter styging ‘n besliste invloed op sake-groei hê. Dit sal ook ‘n negatiewe uitwerking hê op boere in die somer reënval-gebiede waar die plantseisoen nou moet begin. Hierdie faktore sal volgens Joubert ‘n besliste uitwerking op die inflasie-groei hê.
Ek dink ons is almal lankal gatvol vir die styging in vervoerkoste in Suid-Afrika!

En laastens...’n storie wat vir die krieket-wêreld net te goed is om waar te wees. Die uitgetrede Australiese krieketspeler Shane Warne was in ‘n verhouding met die voormalige krieket-legende , Imran Khan, se gewese vrou, Jemima Khan. Warne, wat in ‘n relletjie oor sy eskapades betrokke is met sy gewese vrou Simone Callahan, het die bewerings as onwaar bestempel. Volgens hom was hy “slegs vriende” met die glansryke Khan. Waar 'n rokie trek...

Geluk Mark Boucher met jou rekord, die mees suksesvolste paaltjiewagter in die geskiedenis van toetskrieket, wat dit lekkerde maak is dat dit 'n aussie , Ian Healy, se rekord was....great!

Ek het gister die grootste kontrak van my lewe geteken, meer nuus daaroor later!
Wimpie