Skinner. mense se passie!

Mens vergeet partykeer dat jy in die publieke oog is .... heeltyd.... en laat ek dit sommer gou reguit stel, daar is geen verskil tussen mense nie, ons almal het dieselfde basiese behoeftes en ons almal het dieselfde basiese maniere en die feit dat meer mense jou ken as die volgende persoon maak nie van jou iets special nie.

Ek is bietjie moeg om te hoor jy mag nie 'n kragwoord gebruik hier en daar nie want jy is veronderstel om Cream Soda te pie pie, jy mag nie erens 'n dop drink nie en jy mag nie met girls uitgaan nie want mense "kyk op na jou".

Kom ek stel dit gou duidelik, daar is baie beter rolmodelle in die wereld om na op te kyk as Wimpie van der Sandt, jy sal my NOOIT in jou lewe sien myself voorstel as Wimpie van Oos Rand Stereo, of die radio of freakin wat ook al nie... Nelson Mandela is 'n rolmodel, Moeder Theresa was een en my kinders sal eendag rolmodelle wees, ek is net ek die enigste voorbeeld wat ek vir jou kan wees is om jouself te wees, se wat jy voel, al is dit nie die populere keuse nie, Wees reguit, soos ek, baie mense gaan jou haat maar jy gaan happy wees met jouself en almal gaan weet waar hulle met jou staan...

So as 'n rolmodel wat nie 'n dop mag drink of 'n kragwoord nou en dan se nie, is ek bevrees vaal ek die toets met vlieende vaandels. As jy my bespreek vir 'n funksie om die radio te verteenwoordig, en jy betaal my, want ek is moeg om vir liefdadigheid op te tree, gaan werk jy bietjie vandag verniet, se vir jou baas jy doen dit vandag verniet vir hom want jy is 'n nice mens.... nie?? So gedink, nou hierdie is my werk ook en soos jy wil ek nie graag verniet werk nie!

Terug na die punt toe, Wimpie van der Sandt het ook 'n besigheid en daardie besigheid staan heeltemal apart van Oos Rand Stereo, daai besigheid bied rockfeeste aan en bied shows aan, bestuur kunstenaars, vervaardig CD's en staan baie lekker op sy eie bene baie dankie, daar is 'n verskil tussen Wimpie die radio persoon en Wimpie van Wimpie van der Sandt Produksies wanneer laasgenoemde 'n ROCK show aanbied gaan jy so dan en wan 'n woordjie van die uwe hoor waarop Snotkop sou trots gewees het, wanneer 'n kerk my betaal om MC te wees by Juanita se konsert, dan gedra ek myself dienooreenkomstig!

Wou dit van my bors afkry vanoggend, ek het dit al hoeveel keer gese, ek sien nie myself of dink aan myself as iemand bekends nie.... inteendeel EK HAAT DIT..
Nog iets wat ek HAAT is wanneer mense net pleinweg loop en snert praat, as jy my blog lees dan behoort jy my teen die tyd te ken, as jy soos ek nou die dag moes hoor, 'n storie hoor van Wimpie wat by 'n plek instap en goed se soos... "weet jy wie ek is"... dan moet jy sommer weet dis 'n kak storie.

Ek het nog NOOIT en sal NOOIT my naam gebruik om afslag te kry, kaartjies verniet te kry of spesiale behandeling te vereis nie. Dis nou op rekord, my dogter vertel my nou die dag van 'n ou wat vir haar se haar pa het eendag in sy koeldrank winkel ingestap en wou voorkeur behandeling he toe se hy blykbaar die gewaagde woorde "weet jy wie ek is"! KAK man ek praat nie so nie, sal dit nooit doen nie en gee enigeen toestemming wat in die omtrek is as ek dit doen om my onder my kuif uit te klap!

Ai wanneer gaan al die strooi stories ophou, o ja en as ek elke week saam 'n ander girl gesien word by 'n funksie dan is dit my goeie reg, dit beteken nie ek gaan volgende week met haar trou nie, die oomblik wat ek begin vas met iemand uitgaan sal ek dit eerste hier op hierdie blog noem, eerstens is ek single, ongetroud en kan sien wie ek wil. Daar is iemand spesiaal in my lewe op die oomblik, maar vir nou geniet ons mekaar se geselsskap en nie sy of ek is reg om dit aan die wereld bekend te maak nie, as jy mooi gekyk het sou jy ons al baie saam gesien het maar dis dit...vriende, goeie vriende so as ek dalkies vanaand saam iemand anders 'n draai by die movies gaan maak, dis my reg, ek het baie vriende...

Bottomline anonymous.... hou op SKINDER en TWAK praat, kry jou eie lewe!

Later

Wimpie