Banke... en skole!

Banke beheer die Suid-Afrikaanse ekonomie en ek weet nie of dit so 'n goeie ding is nie, die meeste mense wat ek ken is maar op banke aangewese om huise te besit en karre te kan ry.

In daai opsig is ek jammer maar daar is net doodeenvoudig nie genoeg beskerming vir die Suid-Afrikaanse verbruiker teen die blatante uitbuiting van banke nie, jy moet betaal om JOU geld in die bank te hou,, jy moet betaal as jy kontant by hulle gaan deponeer, jy moet betaal vir die dienste wat hulle lewer, jy betaal vir elke R100 000 wat jy by hulle leen ongeveer R300 000 oor twintig jaar terug, jy betaal amper dubbel die prys van 'n kar as jy die kar by hulle finansier...

Wat my agterent se deksel is, is dat banke met die volgende wegkom...

Jy koop 'n huis en 'n kar teen 'n sekere rentekoers op 'n sekere datum, op daai oomblik kwalifiseer jy vir 'n sekere bedrag, wanneer die rentekoers opgaan soos op die oomblik dan kwalifiseer jy lankal nie meer vir daai bedrag nie en staan jy die gevaar, maak nie saak hoe mooi jy, jou geldsake bestuur nie om jou huis en jou kar te verloor sonder dat jy enigiets verkeerd gedoen het, die bank aan die ander kant loop geen risiko nie dink mooi daaraan, die enigste persoon wat die risiko loop is jy!

Banke is bliksems klaar dis hoekom mense wat nie op banke verlee is nie, die ouens is wat die geld maak in die lewe, mense wat op banke staatmaak is die ouens wat aftjop, vat nou maar die storie van die ou op Carte Blanche gisteraand wat sy huis verloor het nadat die bank geweier het om hom uitstel te gee om te wag vir sy pensioen om uit te betaal, verregaande! Ekonomiese agteruitgang.... blameer maar die banke!

Die naweek 'n lekker ene gehad, Vrydagaand bietjie na een van my kunstenaars se optrede gaan kyk, Saterdag lekker laat geslaap voor ek Firkin toe is in Boksburg om twee van my DJ's in aksie te sien, voor dit gou na 'n band gaan kyk... die Stoned Castles.... ou toppies, hulle speel nie vir geld nie, hulle het dit nie nodig nie... die Tromspelers is 'n landros met 'n drumkit wat seker so R100 000 werd is, die lead guitarist is 'n advokaat, verstaan jy as ek se hulle het nie die geld nodig nie, hulle speel 70's rock, Uriah Heep, Bad company, Led Zeppelin en so aan, awesome ek het die uurtjie terdee geniet...

Gister Wimpie dag gehad in die bed en die naweek afgeluit met The Departed op M-net, awesome movie!

Die week wat voorle is ek in die recording studio, ons is besig met Rea le Roux se derde CD, ek en die producer het Saterdag oggend gou 'n meeting gehad, ek is opgewonde ek dink ons is op die regte pad met die nuwe CD, jy gaan aangenaam verras wees, ons begin die week met opnames, en terwyl ek daarmee besig is, ek het sommer lekker nuus oor Wimpie Records wat ook intussen gebore is.... hehehehe, vertel later meer.

Battle of the bands se finaal is intussen gefinaliseer, die besprekings maak die week oop R60 per persoon vir 10 bands insluitende Jakkie Louw en Snotkop onder andere, ek gee more al die inligting!

'n Hengse skok gekry oor die naweek toe my almamater, Hugenote teen EG Jansen kragte meet op die rugbyveld, die resultaat, die eens trotse Hugenote gee boedel oor en verloor 79-8! Eish en eina!, Gelukkig was ek in die seunskool.... wat nie meer bestaan nie.... so eintlik bestaan my ou skool nie meer nie!

Okay dis ek vir nou!

Wimpie

Ps glo jy aan aliens.... kyk die video!