Padwoede, rugbykaartjies en Bruce Lee.

Hoofnuus vanoggend weer hier in ons ou deeltjie van die wereld, 'n man het gister 'n ongeluk gemaak, hy het in 'n bakkie vasgery, die ou het uitgeklim hom half dood geslaan en toe met 'n mes gesteek in 'n voorval van padwoede.
Nou ja my siening rondom sulke snert is eenvoudig, vang hierdie gemeors en sluit hom toe vir die res van sy lewe.
Gewoonlik is sulke bullebakke ouens wat ander ouens in kuierplekke aanrand, by die rugby in die toilette slaan vir geen rede nie, en in die algemeen net eenvoudig 'n gevaar vir die samelewing.
As hulle in die samelewing bly is hulle net 'n gevaar vir ons ander nie-barbare.
Ek sien die Blou Bulle het die lesse van Bloemfontein ter harte geneem en die toetskaartjies vir Saterdag se pryse verlaag, dis great nice om professionaliteit van ons manne hier in Pretoria te sien, Daar is nog so 10 000 kaartjies oor so as jy wil he, moet jy gou spring, ek het 'n gevoel dit gaan vinnig uitverkoop...

En dan is daar sekere goed wat nooit verander nie, so 30 jaar gelede het ek deur 'n verskriklike Bruce Lee stadium gegaan, nou is dit my 6-jarige seuntjie se beur, hy is tans Bruce Lee gereinkarneer, al wat my pla is hy doen die "moves" beter as wat ek dit baie jare terug kon doen! Scary!
Dis al vir vandag, vanaand maak ons weer so. Vandag se meningspeiling na aanleiding van die petrolprys, dink jy die regering moet belasting op petrol verminder?
Later
Wimpie