My ou skool lyk soos die hond se gat!

Mens wil nie die week met 'n lae noot begin nie maar vanoggend kan ek nie anders nie. Dertien jaar gelede was Hugenote in Springs nog twee skole, Die Seunskool en die Meisieskool, hierdie twee skole smelt toe saam en word toe een skool, fine.
Die ou Seunskool moes toe plek maak vir 'n nuwe skool, die Eureka Skool en hulle kry die skool en die skoolgronde wat op 'n tyd Hugenote Seuns was, 'n skool met 'n trotse en roemryke verlede....

Ek weet dit want ek was in die Seunskool en het my skoolloopbaan daar voltooi, in 1985, my matriekjaar het die seuns die muurbalbaan voltooi en verskeie ander projekte afgehandel, ons was trots op die muurbalbaan en die skool wat ons nagelaat het vir die volgende geslagte kinders wat nog deur dieselfde skool as ons sou kom...
Saterdag nooi Hugenote my na die rugby toe en ek dog ek sal bietjie oor die draad loer hoe lyk my ou almamater, groot was my SKOK, ONGELOOF EN TELEURSTELLING, toe ek hierdie gesig moes sien.
Daar is nie een heel venster waar die muurbalbaan en die rugbyveld op 'n tyd was nie, die skool se dakke is seker vyftien jaar terug laas geverf, die muurbalbaan se houtvloere is uitgeruk en menslike uitskeiding le langs die paviljoene, ek is geskok en sommer net pleinweg die moer in, hoe kan hulle toelaat dat 'n eens trotse skool vandag in so 'n haglike toestand verval het.
Dis 'n skreiende skande en ek soek antwoorde, nee magtig man ons is mos veronderstel om in 'n beskaafde land te bly!
Ek gaan die week briewe skryf tot iemand my antwoord oor hoekom daai skool so lyk, sal julle laat weet!
Ek sien die naweek 'n ou met die hoed en ek het gedink dis nogal van toepassing!


Nou ja dis my gekla vir die dag.
Wimpie
Ps: 91% van julle reken dis 'n onding om ouers te verbied om hulle kinders pak te gee, gaan stem vandag wat dink jy van SA rugby se liefdesverhouding met Luke Watson?