Afrikaanse karaoke shows, totters en Bob Skinstad

Wat 'n lekker naweek het dit toe nie uitgedraai nie, ek was bietjie skepties, nie geweet wat om met myself aan te vang nie, Eugene se toe hy's lus om weg te gaan en ek onthou van die musiekfees by Klein Kariba.
Nice fees gewees net jammer daar was omtrent geen mense nie, ek weet nie of ek my verbeel nie, maar dit begin vir my lyk of ons Afrikaanse kunstenaars nou besig is om dit reg te kry om hierdie tipe feeste te breek.
Laat my verduidelik, kunstenaars vra belaglike pryse vir tweederangse karaoke vertonings, kom ons vat gisteraand se line-up, Arno Jordaan, Shine 4 en Nicholis Louw, niks onder R55 000, sit die verhoog en die klank by en jy het 'n R80 000 se karaoke konsert, wat almal al tot vervelens toe gesien en gehoor het, jy kan net sowel die CD lekker hard by die huis op jou Hi-Fi speel!
Ek is jammer maar ek vang dit nie, daar was skaars 'n duisend mense teen R50 'n kop maak die organiseerders 'n hengse verlies en dan het ek nog nie die ander kostes uitgewerk nie.
Wanneer 'n kunstenaar begin R40 000 vir 'n show vra moet hy darem wragtig meer as 'n backtrack en 'n windgat klankingenieur saambring!
Dan is daar kunstenaars wat R120 000 vir 'n show vra en wragtig nie 'n band kan huur nie!
As ek weer 'n show doen, huur ek eers die band en laat hulle live speel vir elke kunstenaar....ek wonder watter kunstenaar sal dan nog wil sing, jy sien jy sal nie dan kan mime nie ou swaer!
eK WEET MEESTE VAN HIERDIE SHOWS HET BORGE WAT DIE MEESTE VAN DIE KOSTES DRA MAAR DIE BORGE GAAN OOK EEN VAN DIE DAE GATVOL RAAK om shows te borg waar daar omtrent geen mense na gaan kyk nie.
Ek sal graag 'n Robbie Williams show oorsee wil gaan kyk waar hy met 'n videoskerm en backtrack sy ding doen, en moenie vir my se jy kan dit nie met Suid-Afrika vergelyk nie, natuurlik kan jy wat is die verskil, dis hoekom mense al minder na sulke shows toe gaan, dit raak boring!
Die beste van die show was hierdie fireworks op die einde.




Anyway die show was okay maar dit begin my net irriteer dat daar hierdie moerse mooi massive stage en ligte is en 'n ou wat saamsing met die CD.
Kry dan ten minste 'n kleiner verhoog dan sal dit nie heeltemal so af lyk nie...
Komaan julle Afrikaanse kunstenaars begin die mense waarde vir geld gee dan sal hulle weer kom kyk, as jy jou sout werd is kry 'n band, ek dink dis tyd vir 'n nuwe Afrikaanse Musiek beweging.........en wag vir dit, die res van die wereld doen dit ook....LEWENDIGE MUSIEK! Daar's nou vir jou 'n nuwe ding ne.
Kon darem die tweede helfte van die rugby sien, ek hoor Luke Watson was toe nie die beste eerste blanke BEE speler in die wereld nie, maar ek is bly om te sien die beste losvoorspeler in die wereld is darem weer besig om sy stem dik te maak...welkom terug Bobby Skinstad.

Ek bly ongelukkig in Springs en partykeer moet ek se ongelukkig want mens kry maar snaakse mense hier, jy kry seker snaakse mense op ander plekke ook maar ek dink daar is meer van hulle hier, toe ons hier inry is daar hierdie ou met sy beemer , let op die fur in die venster, en by elke verkeerslig moet hy wegtrek dat die rook so staan, ja soos my pel se, Springs se fast and hillarious!
Julle sal sien ek het die blog so bietjie verander en die verjaarsdag ding afgehaal aangesien ek die naweek besluit het ouderdom is 'n relatiewe begrip en ek nog lank nie so oud voel nie!
Julle sal ook sien ek het so ses musiekvideos gelaai aan die kant, as daar 'n video is waarvan jy hou laat weet my op my comments en dan kan ek dit vir jou laai en dan kan ons miskien elke week so 'n top 10 he waarvoor julle stem?
Die oorweldigende reaksie was toe dat 90% van julle gese het die doodstraf moet terugkom, vandag se peiling, dink jy Afrikaanse karaoke oops sorry, shows raak vervelig?
Dankie vir julle nice comments:
Christi....vas byt ou maat ek hoor wat jy se.
Anne Marie.... Dankie vir die mooi woorde, ek stem ek het niemand die reg gegee om in te meng in my lewe nie.
Johannes_11.... ek het daai boek gaan soek, the end of the church age, maar kon dit nie kry nie, sal maar gaan bestel.
Ina....ja ek moes lankal iets gese het, is bly ek het.
boerinballingskap....sal laat weet wanneer, hopelik binne 'n paar weke, en jy was reg oor die bottel Jack by the way!
Later
Wimpie