Die dinge wat my pla!

Laat ek sommer vanoggend begin om die ouens wat Afrikaans probeer bevorder te bedank, gaan maak gerus 'n draai by die ouens van www.bosparra.com dankie Platkuif julle, hulle het hierdie Blog die Blog van die week gemaak, dankie julle ek waardeer!

Ek het iets om te bieg en alhoewel ek nie van plan is om enigeen se voete te was nie! moet ek erken ek is totaal verslaaf aan 702 Talk Radio, ek is soos 'n spons wat wil inligting opsuig en ek hou daarvan om ander mense se standpunte te hoor, dit gee jou die geleentheid om jou eie standpunte teen ander mense s'n op te weeg en te sien hoe dit opweeg.
Gisteroggend toe skakel ek vir Aki oppad werk toe na die soveelste hekkiesatleet, askuus, voetganger, sorry onwettige voetganger! op die N17 oor die versperring seil soos Carl Lewis in die eindstryd van die 400m hekkies by die Olimpiese spele.
Vanoggend vra hy my om weer te skakel na aanleiding van ons gesprek van gister, ek doen dit toe en voer 'n heel sinvolle gesprek met hom en hy belowe om van 702 se kant af te help met die poging om dinge reg te ruk.
So drie mense skakel daarna en benadruk hoe gevaarlik dit is en dat die probleem inderdaad ook op ander nasionale paaie bestaan...
Net hierna skakel iemand anders en ek verstaan opslag wat die probleem is in Suid-Afrika en hoekom ons nie gaan regkom nie.
Die ou se ja dit is waar maar ons moet ook verstaan dat dit 'n ompad is en dat deur die snelweg oor te steek 'n kortpad is...
Nou daar le die probleem, toe New York reggeruk is was daar nie iets soos klein of groot oortredings nie, 'n oortreding is 'n oortreding en kan nie geduld word nie, tot ons hier in die Suid puntjie van Afrika nie daardie beginsel verstaan nie, gaan ons nie respek he vir wette en wetgewing nie en as ons dit nie het nie gaan ons nooit misdaad uitsorteer nie, dit begin by "petty" misdaad as ons nie eers die klein goedjies kan regstel nie gaan ons nooit die transito rowe, moorde en verkragtings regkry nie.
Die algemene publiek se total gebrek aan respek vir wet en orde is ons grootste vyand en ek is bevrees voor dit nie suksesvol aangepreek word nie voer ons 'n verlore stryd!

Gisteraand gou 'n storie gevang van 'n studie wat gedoen is oor die minister van gesondheid se teorie dat tradisionele kosse kan help in die stryd teen HIV en Vigs....n.a.v. 'n studie wat deur 'n universiteit, en ek sal more die storie vir julle he, is daar GEEN stawing van so 'n teorie nie.
Met ander woorde dis 'n klomp stront en is net nog 'n bewys van die onkundigheid en onvermoe van die minister om haar pos te beklee.
Intussen berig e.tv dat sy nuusspan positiewe bewyse gekry het dat Tshabalala-Msimang aan diefstal skuldig bevind is terwyl sy meer as 30 jaar gelede by ‘n hospitaal in Botswana gewerk het. Sy is beveel om die land te verlaat. Die minister, wat tans op ‘n feitevinding-besoek in die Oos-Kaap is, wou gister nie vrae van die media beantwoord nie.
Dankie Boerinballingskap vir jou comment van gister:
Ek wil dit net weer onder mense se aandag bring: Die belangrikste
kriterium vir 'n kabinetspos (en in sommige gevalle - soos Manto - die
enigste kriterium) is LOJALITEIT aan Mbeki. Bevoegdheid is 'n nagedagte
en in elk geval 'n Westerse kolonialistiese begrip.
Komaan minister doen die eerbare ding en pleeg asb. politieke selfmoord!

Hier is iets belagliks....wel nie rerig nie dit gaan oor Zimbabwe! Zimbabwe se amptelike jaarlikse inflasiekoers het in Julie tot seweduisend-638 persent gespring. Dit is volgens die eerste amptelike syfers wat in drie maande vrygestel is. Die Kantoor vir Sentrale Statistieke berig dat inflasie sedert Mei – toe die laaste amptelike syfers vrygestel is - meer as verdubbel het. Die BBC berig dat die Internasionale Monetêre Fonds verlede maand gewaarsku het dat die jaarlikse inflasiekoers teen die einde van die jaar 100-duisend persent kan bereik. Die Verbruikersraad van Zimbabwe sê die werklike jaar-op-jaar inflasie is baie hoër as die amptelike koers, en meen dit is nader aan 13-duisend persent vir Junie.

Jake White ek hoop jy weet iets wat ek nie weet nie my bra.... die Bokke tjommel rond wen 18-3 teen 'n ontwikkelingspan en Jake se beste antwoord, mense kan nie verwag dat ons elke wedstryd met 100 punte moet wen nie... seker nie Jake maar ons kan seker verwag dat ons spannetjie die basiese goed regdoen soos om af- en inskoppe raak te vang, die bal uit te skop en aanslane uitskakel!
Ek was positief....na nou die aand is ek senuagtig en dink na Saterdag gaan ek net plein bang wees! Hoop ek is verkeerd....

Dankie vir julle comments, Eben, Antjie, Boendoe (sterkte met die ophou rook dis 'n bliksem...ek het ook, teug nou net dan en wan aan 'n sigaar)!

Gister bietjie Golf gespeel, nagmerrie eerste nege gahad, 39 geskiet op die 2e nege!
Ek voel soos Tiger!
Later
Wimpie