Lekker, Lekker Anton en Steve!

Geskiedkundig, dis al wat ek kan se van gister, dankie julle dis awesome en ek is so trots om hierdie show aan te bied....

Op die foto's van bo na onder:
Steve chat met Kobie Koen van Vonk ek neem aan oor die boikot van die Vonk Afrikaanse Musiek Toekennings.

Steve en Anton saam met Elsie en Alwyn van die borg, Brikor.

Steve, Anton Alwyn en Elsie saam met van die kunstenaars wat optree op 1 Maart 2008, in die foto is Rudi Muller, Joef, Jacques de Coning, Carlien Husselman en Anton.

Voor di8e mediakonferensie maak Steve en Anton net seker of hulle dit rerig wil doen!



Al wat ek kan se is dat ek poot uit is, ek is gedaan en uitgemergel, ek weet dis nou eers die begin maar ek gaan die naweek af vat en bietjie Wimpie-tyd met myself spandeer, miskien 'n movie of iets...

Indien jy dit gemis het, hier is die storie dankie aan Beeld....

Steve, Anton wil nou mure afbreek
Oct 24 2007 07:59:41:683PM - (SA)

Druk artikel
E-pos storie aan 'n vriend


Steve Hofmeyr en Anton Goosen kuier lekker saam by die mediakonferensie gister waar aangekondig is dié twee musieklegendes sal in 2008 'n groot konsert saam hou. Die twee was lank kwaaivriende, maar het onlangs die strydbyl begrawe. Foto: Nardus Engelbrecht


Anna-Retha Bouwer

Dit is toe so!

Gerugte wat die ronde gedoen het dat die sangers Steve Hofmeyr en Anton Goosen saam ’n konsert gaan hou, is gister tydens ’n mediakonferensie in Benoni bevestig.

Dié eenmalige konsert van twee groottes in die Afrikaanse musiekbedryf word beplan vir 1 Maart 2008 by Supersport Park in Centurion.

Kaartjies daarvoor is reeds van Vrydag af by Computicket beskikbaar.

Ander Afrikaanse kunstenaars sal ook by die geleentheid optree.

Hofmeyr en Goosen was lank kwaaivriende, onder meer oor ’n woordewisseling oor die gebruik van sogenaamde backtracks tydens konserte.

Hierdie moddergooiery is vroeër vanjaar gestaak toe die twee bladgeskud het tydens ’n huldigingskonsert vir die radiolegende Fanus Rautenbach.

Die konsert se borg sal sorg dat daar in Pink Floyd-styl ’n muur op die verhoog is om af te breek – simbolies van die vrede wat nou tussen die eertydse vyande heers, asook die afbreek van grense.

“Hopelik sal dit die begin wees van die afbreek van mure tussen genres en style binne Afrikaanse musiek,” sê Hofmeyr.

“Daar sal tussen my en Anton altyd baie ooreenkomste wees, maar ook baie verskille, en ek verkies dit so.”

Goosen sê weer hy is baie dankbaar vir die kans en sien baie uit na die konsert.

“Dis die samesmelting van uiterste pole. En daaruit kan net ’n geweldige energie gebore word,” meen hy.


Ek het hope foto's laat neem, sal hulle plaas soos die tyd aangaan...

Rugby Suid-Afrika het inligting bevestig oor die Springbokke se optogte om hulle oorwinning in die Wêreldbeker-rugbytoernooi in Frankryk te vier. Die president van Saru, Oregan Hoskins, het ‘n versoek tot die publiek gerig om in groen en goud aan die feesvierings deel te neem. President Thabo Mbeki het die span vir ‘n besoek aan die Uniegebou in Pretoria genooi. Oud-president Nelson Mandela sal die span Saterdag tydens ‘n kort besoek by sy huis in Houghton, Johannesburg, onthaal.

Die feesvierings sluit in Vrydag se optogte in Pretoria en Johannesburg en Saterdag se spanverskynings by die Curriebeker-finaal. Nog optogte is vir Sondag in Durban en Port Elizabeth geskeduleer. John Smit sal Maandag die simboliese oorhandiging van die Webb Ellis-trofee aan Hoskins doen tydens ‘n optog deur die stad.

Ek is klaar! Moeg en gedaan, gaan maak 'n draai op Steve se blog vir meer oor die show, more gee ek kaartjiepryse ens...

Liede
W