Wat 'n naweek.

Laaste Blog vir die week, en julle moet my verskoon maar ek is super opgewonde oor die lewe, ek moet my verstout om te se ek het seker die week die meeste gewerk vir hierdie hele jaar en as jy so hard werk en alles begin soos 'n legkaart inmekaar pas dan word jy partykeer oorval deur 'n gevoel van dankbaarheid....

Meer kan ek ongelukkig nie se nie, behalwe hou die pers dop die 24e Oktober... Ek kan net se dit gaan awesome wees...

Sekerheidsmaatreëls by winkelsentrums is onder die soeklig na ‘n ontstellende vlaag selfoon-pornografie wat in sentrums se kleedkamers gemaak is. Ses tieners is vroeër die week in hegtenis geneem in verband met die gebruik. Die gemeenskapsleidingsorganisasie Soulutionz het aan Media24 gesê hulle patrolleer sentrums sedert begin verlede maand toe ‘n polisie-ondersoek begin het. Die ses seuns het gister in Kaapstad in die hof verskyn in verband met verkragting, uitlokking en die vervaardiging en verspreiding van kinder-pornografie. Hulle het na bewering selfoon-videos gemaak van minderjarige kinders wat seks het.
Wat is fout met die kinders, daar is net geen morele waardes ie, op die ouderdom van 16 was seks iets waaraan ek net af en toe gedink het, ons was te besig om rugby en krieket te speel, daar was nie tyd vir stront (pardon the pun) in publieke toilette nie! Scary!

Die Australiese premier, John Howard, het beloof om ‘n referendum te hou om burgers te vra om inheemse Aborigines te erken as die land se oorspronklike bewoners – ‘n verrassende beleidsverandering slegs weke voor die verkiesing. Howard het egter weer die moontlikheid uitgesluit vir ‘n formele verskoning namens die nasie aan die Aborigines vir beleidsrigtings van die verlede wat die gedwonge verwydering van kinders uit hulle ouerhuise ingesluit het. ABC News berig dat Howard se opmerkings lyk na ‘n poging om Aborigine-sake te verhoog tot verkiesingskwessie en sy beeld te versag oor ‘n kwessie waarvoor baie Australiërs simpatie het.
Ek wonder voor hoeveel menseregte verhore sou Howard en sy mede Aussies in Suid-Afrika moes verskyn??

Ek sal totaal my plig versuim as ek nie iets se oor die wereldbeker nie. Ekglo ons gaan heeltemal te goed wees vir die Poemas, al se hulle ook wat, hulle kyk blykbaar verby die Bokke na die eindstryd op die 20e!! GROOT fout!
Die Bokke het nog net een keer vir omtrend 60 minute rugby gespeel by die toernooi en dit was 'n uur van sublieme rugby teen Engeland, die res was maar soos 'n kar wat net idle op die snelweg, ek glo die manne gaan na 'n ander rat oorskakel noudat ons in die halfeindstryd is. Tussen 20 en 30 punte vir 'n Springbokspan in die hoogste rat!
Die ander halfeind reken ek gaan 'n verassing oplewer, die Franse is te tempramenteel om die eindstryd te haal, hulle voorspelers gaan nie opgewasse wees teen die bleekbene nie, en met genoeg balbesit, weet almal wat Jonny Wilkinson op losskakel aan die Franse kan doen.
Ek voorspel die Bokke en die Bleekbene in die eindstryd op de 20e!

Sterkte aan die girls, ons is indielaaste week, julle het mooi uitgehou! Dan nog net die Curriebeker eindstryd die week daarna! Eish.
Dit behoort 'n eindstryd tussen die Cheetahs en die Sharks op te lewer!

Die Reserwebank se besluit om die repokoers met 50 basispunte te verhoog, is wyd veroordel. Cosatu sê in ‘n verklaring die jongste verhoging sal ‘n rampspoedige invloed hê op die mense van Suid-Afrika. Die vakverbond is kwaad omdat die bank sy pleidooi ignoreer het om nie die koers te verhoog nie. Sommige van die groot banke was ook verras oor die verhoging en sê dit is ‘n ongelukkige oor-regstelling van koersverlagings wat in Augustus 2004 en April 2005 gemaak is. Die banke het egter dadelik hulle prima-uitleenkoers verhoog tot 14 persent. Oops!

Ek tree Saterdag op by die Bulfees in Sundra, kom se hallo as jy kan, ek maak my sangdebuut saam met Jacques de Coning en Gerhard Steyn!

He vir jouself 'n great naweek ek gaan ook, kannie meer wag nie! Daar gaan nie tyd wees vir blog die naweek nie so ons chat weer maandag!
Wimpie!