Domdrolle en hoogvlieg!

Wanneer jy opstaan en dit voel of 'n trein oor jou is en toe sommer 'n paar keer agteruit weer oor jou is en toe sommer vir die fun nog 'n keer of wat jou net kom wys het wie is baas, dan is daar gewoonlik 'n rede voor..... nou ja my rede gisteraand is hierdie mannetjie.... Bok van Blerk! Jou wetter!

Lekker geparty gisteraand saam met die de la Rey sangertjie, en die ergste was, ek het gedink....mmm ja... lekker, die seremoniemeester sal so 20H00 kan wegglip as hy eers die ster aan die woord gestel het, sonder dat iemand dit agterkom......groot fout!
Ek dink ek moes seker 30 keer verduidelik ek werk actually vanoggend 06H00 en ek MOET nou ry... les nommer 1, moenie vir mense se jy ry nou nie, glip by die agterdeur uit en ry net!
Nou ja ek wou nie hoor nie en die gevolg is 4 panado's en twee Red Bulls verder, dan kan jy darem amper weer met die volk oor die wireless gesels,....dit gaan 'n lang brekfis show wees vandag!

Domdrolle van die ewigheid, en ek hoop Steve of iemand wat hom ken lees so nou en dan hierdie blog... hehehe dis Steve se ding 'n domdrol toekenning, maar ek sal sukkel om daai toekenning aan enigiemand anders as SA Rugby te gee, julle is 'n klomp idiots... ek het lank gedink aan 'n ander manier om dit sagter te stel en om dit nie so kras te maak nie, die waarheid is net daar is nie 'n sagter manier om dit te stel nie, geen wonder SA rugby is voortdurend in die spervuur nie, geen wonder daar is altyd een of ander kontroversie as dit by ons nasionale span kom nie, dis eenvoudig bisar, die manier waarop Jake White nou behandel word deur hoofnar Hoskins en adjudant hofnar Johan Prinsloo en kie, is net eenvoudig skandalig, bisar, absurd en 'n fkn skande!
Ek skaam my om 'n ondersteuner van die Bokke te wees, om die Bokke te ondersteun beteken jy ondersteun die hele sisteem wat SA Rugby is, die span, die administrasie, die bestuur, die hele spul....ek weet nie of dit moontlik is nie!
Clowns....was 'n song hier in die 80's weet nie wie van julle kan dit onthou nie, maar dit is van toepassing....

Die beker is nog nie eers twee weke in Suid-Afrika nie toe is daar wragtig iemand wat hom probeer steel.....ernstig!

Singapore Airlines sê dat seksuele eskapades nie op hulle nuwe Airbus A380-vliegtuig geduld sal word nie, aangesien die privaatsuites wat dubbelbeddens het, nie klankdig is nie. Volgens ‘n verklaring kan seksuele aktiwiteite verleentheid meebring vir die passasiers en bemanning van die nuwe superjumbo. Hehehe, vertel bietjie vir ons hoe vocal is julle as dit by daai ding kom, hou jy daarvan as jou partner die dak afskreeu af verkies jy stilte....ek hou nogals van 'n geraas, sal nie lekker die ding op die vliegtuig kan doen nie, mind you .... ek het al! Mile high Club gejoin....uhm ma nou ja dis 'n storie vir 'n ander dag....hehehe!

Ek gaan probeer lewendig deur hierdie dag kom, 'n lekker ene vir julle....rock on!
Wimpie