Alle wereld Zimbabwe en Hartland!

Rwanda.... 1994.... Volksmoord en 800 000 mense sterf!

Zimbabwe.... 2008.... Potensieel dieselfde ding wag!

Wat doen die Suid-Afrikaanse regering daaraan.... niks! Wat se ons president.... die situasie is onder beheer, wat is die realiteite van die saak?? Sogenaamde oorlogsveterane word in die Zimbabwese regering se busse aangery om mense te intimideer en die laaste wit boere van hulle plase af te verwyder, die verkiesingsuitslae is nege dae later nog nie bekend gemaak nie, hoekom nie dis algemeen bekend dat Mugabe die verkiesing verloor het en volgens berigte die ZEC opdrag gegee het om te verklaar dat die grootste diktator sedert Idi Amin, die verkiesing gewen het.... Die MDC vra vandag dat die Hooggeregshof in Zimbabwe die ZEC dwing om die uitslae bekend te maak, die Zimbabwese weermag en polisie dreig hulle sal geen ander uitslag van die verkiesing aanvaar as 'n Mugabe oorwinning nie...

Hongersnood 'n tekort aan bykans alles en 'n inflasiekoers van 100 000% is die probleme waarmee die mense van Zimbabwe sit, bloedvergieting en lewensverlies is onafwendbaar, letterlik honderde duisende vlugtelinge staan reg om Suid-Afrika binne te stroom WANNEER die bloedvergieting begin...

Wat se ons president daaroor... "Daar is nog geen rede tot kommer oor die situasie in Zimbabwe nie". Nou wanneer de f@k is daar rede tot kommer mnr. Mbeki??

Die Britse premier, Gordon Brown, het privaat beraadslaag met president Thabo Mbeki oor die krisis in Zimbabwe. Die BBC berig dat Brown langer as twee uur probeer het om Mbeki te oorreed om sy invloed te gebruik om die toestand te beëindig. ‘n Regeringswoordvoerder sê die private ontmoeting het in diepte-besprekings oor die kwessie behels. Die regerende Zanu-PF het Zimbabwe se verkiesingskommissie intussen gevra om die uitslag van die presidentsverkiesing verder te vertraag om foute en verkeerde berekenings na te gaan.

In ‘n ander verwikkeling het ‘n regter van Zimbabwe se Hoërhof gesê hy sal vandag uitspraak gee oor ‘n aansoek van die opposisieparty MDC wat eis dat die uitslag onmiddellik bekend gemaak word. Die party wil hê die hof moet die verkiesingskommissie dwing om die uitslag onmiddellik vry te stel.

In Suid-Afrika het die Demokratiese Alliansie Mbeki gevra om dit dringend te oorweeg om te versoek dat die Afrika-Unie se Vredes- en Sekerheidsraad ingryp met die ontplooiing van monitors of ‘n vredesmag in Zimbabwe. Die DA se woordvoerder oor Buitelandse Sake, Tony Leon, sê die oproep is gemaak weens die onheilspellende tekens van ‘n beduidende aanslag teen opposisie-ondersteuners.

Die leier van die Onafhanklike Demokrate, Patricia de Lille, sê in haar reaksie dit is duidelik dat Mugabe nie die wens van die mense respekteer nie. Die OD is baie agterdogtig oor die vertraging met die bekendmaking van die uitslag. De Lille het ‘n beroep gedoen op leiers in die AU en die Suider-Afrika Ontwikkelingsgemeenskap om dringend met Mugabe te praat en daarop aan te dring dat hy demokrasie toelaat om sy koers te neem.


Net 'n observasie en iets wat my oor die naweek geirriteer het, op 'n naweek wat ek seer sekerlik in die annale sal aanteken as een wat rerig getel het! Wat kan ek se sonder om te veel te se??

Wanneer jy ek is, dan is dit nogal moeilik om jou mond te hou en kalm en nugter oor sake van die hart te praat, ek is per slot van sake 'n skerpioen en hoewel ons oor die algemeen doodgoeie mense is, loop die mond maar te lekker oor wat die hart van vol is... Kom ons maar net se dat die hart baie impressed is met wat hy tans beleef en dis dit.... donner ek gaan niks verder se nie, ek hoop jy weet wat ek probeer se...

My naweek, begin Vrydagmiddag met 'n paar drankies saam regte vriende, daarna 'n awesome ete by een van die beste restuarante hier aan die Oos Rand, na ete vaar ons bietjie die strate in na 'n kuierplekkie toe waar my band optree, ek hoor later ons sing twee songs waarop die mense gunstiglik reageer, ek moet tog onthou om 'n foto van ons band in aksie te plaas, verskeie foto's word deur die loop van die aand geneem en ek vra vriendelik dog ernstig dat niemand van daai foto's iewers publiseer nie, ek het op almal so 'n snaakse weird uitdrukking op my bakkies... jy weet so 'n droomverlore kyk, ek weet self nie wat my getref het nie en is soos 'n vuisvoos bokser waar ek maar net van die een ding na die ander ronddrentel, mense gesels met my maar ek hoor of se nie veel nie.... nee ek het nie te veel gedrink nie, dis iets anders.... heeltemal anders en iets wat ek al een keer vantevore beleef het, anyway, terug na die naweek!

Saterdag gou ouerdag toe by my seuntjie se skool, o ja dis belangrik om te weet dat ek op hierdie stadium so nagenoeg een uur se slaap agter die rug het! Ouerdag toe, huis toe, dorp toe, ek maak 'n vinnige vyfgang maaltyd by die huis, groet met 'n baie swaar hart en slaan dood in my bed neer Saterdagaand om agt uur!

Sondagoggend soos dit 'n ware gentleman betaam is ek vroeg uit die vere kry myself reg vir die visvangekspedisie, sy kom eventueel 'n uur laat daar aan, ons gaan vang vis, die wil nie byt nie, nog 'n awesome ete volg by Carnival City, ek sit net verstom en luister en remind myself kort-kort om my mond toe te maak en nie daai simpel uitdrukking in my oe te kry nie, ek luister na Dicky Loader wat stunning vir ons sing, ek is verlief en verlore ry huis toe en probeer hierdie gemors uitfigure...

Ek kan nie meer nie korporaal, dit was Awesome en dankie...

Jy is wonderlik, een van die beste mense wat ek in my lewe leer ken het, jy verdien baie beter as ek of wat jy gehad het, wou net he jy moes weet hoe ek voel want face to face kom dit simpel uit as ek jou probeer vertel!!

Ai ek is klaar!

Wimpie