Miskien is ek tog gay!

Eerste dag terug by die werk sommer lekker gemaklik ingepas by die swing of things wat nogal vir my snaaks was aangesien ek Sondagaand nie 'n dooie duit kon slaap nie, ek weet nie hoekom nie, dink dit het iets uit te waai gehad met die 18 Red Bulls van die vorige dag??

Anyway, so ek is terug en lus vir die ding (sorry anonymous).

Speel gistermiddag bietjie met my seuntjie oppad huis toe, ah nog iets wat jy nie van my weet nie, ek doen dit elke dag, en ek dog skielik wat is ek, 'n stoere Afrikaner besig om met my nasaat te doen.... Kan dit wees dat ek soos 'n wafferse Amerikaner met hom Basketbal speel... Huh waar's die donnerse rugbybal? En hy kyk my in die oe en se vir my in 'n wafferse Amerikaanse High School Musical aksent "Bring it on dude!"

Dis maar okay, die Americaners klink cooler as ons anyway, en in die woorde van daardie bastion van Afrikaanse TV aanbieders, Kurt Darren, "Dis sommer baie cool y'all!"

Spaar 'n gedagte vir die arme mense wat ons nooit aan dink nie, die haweloses en die sonder dakke oor hulle koppe wat die koue winter moet trotseer sonder elektriese komberse, elektrisiteit, hulle is ons een voor!

Repek! En dan onthou jy van Oos Rand Stereo se winter woolies marathon om geld in te samel om juis vir behoeftiges te kan voorsien hierdie winter, maak seker jy bel my Vrydagoggend op die Breakfast Show, ek sal sommer nou al die bal aan die rol sit, ek reken R200 behoort so drie komberse te koop, so ek sponsor dit vir 'n begin!

Battle of the bands skop af op Dinsdag die 29e by Carnival City se Supersportshowbar. Elke aand 10 bands wat drie liedjies elk speel, daar is vier beoordeellaars, ekself, Rea le Roux, en twee Klipdrift verteenwoordigers, elke week gaan een wenner deur na die halfeindronde waar daar uiteindelik twee van sal wees met ses bands elk. Die wenners daarvan is in die groot final op 19 Julie in die Big Top by Carnival saan met die Parletones en Snotkop.

Almal by die show sal kan stem vir hulle gunsteling wat uiteindelik 'n platekontrak, bestuurskontrak en verskeie lewendige optredes regoor die land en 'n R5 000 kontantprys sal wen. Toegang elke Dinsdagaand is R10 per persoon met 'n klipdrift promosie uhm dubbel en coke vir iets soos R12 en die final gaan 'n behoorlike jol wees almal ken die Parletones en Snotkop! Toegang vir die 19e Julie is R90 Golden Circle en R50 vir sitplekke, enige bands wat nog wil inskryf kan my epos by wimpie@ors.org.za.

Hier is 'n voorsmakie:



Lekker!

Ek is versigtig optimisties oor die toekoms so van 'n afstand af. Iemand baie na aan my gaan deur 'n helse beproewing op die oomblik en as ek so sien wat die persoon toegesnou word dan is ek gefrustreerd want ek wil so graag by daai persoon staan en beskerm..... maar helaas dis my nie beskore nie, weet net ek doen anyway al kan ek dit nie se nie, en ek kry saam seer! En o ja ek koes saam!

Ek gaan nie galbraak oor Mugabe of Eskom, telkom of helkom nie, weet maar net my gevoelens oor dit alles is nog dieselfde inteendeel dis nog erger! Ek het net besluit om te chill oor die lewe, ai!

Ek dink daaraan om bietjie weg te kom die naweek, Maandag is mos vakansiedag is dit nie, ek lus vir die berge, sneeu, bietjie ski en lekker rooiwyn voor 'n kaggelvuur, laat weet dan kom jy saam hehehe! Net as jy ongetroud is hoor en aaaag wat maak nie saak nie ek hang mos deesdae in gayklubs uit so as jy 'n man is, is dit ok cool, net nie Vernon nie, bang hy maak my seer!

Lekker werk dudes!

Wimpie